Հայաստանի ամենամեծ երիտասարդական կազմակերպության՝ Երիտասարդական ակումբների դաշնության (FYCA) նախաձեռնությամբ մեկնարկում է «¿Hablas Español?» (Դու խոսու՞մ ես իսպաներեն) անվճար առցանց դասընթացը։
Տևողությունը 2 ամիս է, նախատեսված է սկսնակների համար, կազմակերպման ձևաչափը՝ խմբակային։ Առցանց դասընթացի նպատակն է հայ երիտասարդներին հնարավորություն տալ սովորել և առօրյա կյանքում օգտագործել աշխարհում երկրորդ ամենատարածված լեզուն՝ Լատինական Ամերիկայի և Իսպանիայի հարյուր միլիոնավոր բնակիչների մայրենին, իսպաներենը։
Գրանցվելու համար հարկավոր է լրացնել առցանց հայտադիմումը մինչև հունիսի 25-ը: