#Երիտասարդական #ակումբների #դաշնության քարտուղարության անդամները նախաձեռնել էին հերթական ծրագիրը՝ այս անգամ մասնագիտական կողմնորոշման թեմայով։
Մասնագիտական կողմնորոշման եռօրյա դպրոցի շրջանակներում ավելի քան երկու տասնյակ երիտասարդներ երեք օրերի ընթացքում ծանոթացան մի շարք ոլորտների՝ իրավաբանություն, բժշկություն, տնտեսագիտություն, քաղաքագիտություն, հանրային կապեր, տեղեկետվական տեխնոլոգիաներ, տուրիզմ և այլն։
Նախաձեռնության նպատակը դպրոցականների շրջանում տարբեր մասնագիտությունների շուրջ հետաքրքրության ձևավորումն էր ու վերջիններիս աջակցելը՝ առաջիկա մասնագիտության ընտրության հարցում։
***
Երիտասարդական ակումբների դաշնությունը հիմնադրվել է 1999 թվականին և միավորում է 100-ից ավելի կազմակերպություններ, ակումբներ, կենտրոններ, նախաձեռնություններ Հայաստանի մարզերից, Ջավախքից և Արցախից։ Գործունեության 22 տարիների ընթացքում իրականացրել է բազմաթիվ տեղական և միջազգային ծրագրեր, ինչպես նաև նպաստել հազարավոր երիտասարդների կրթությանն ու զարգացմանը: