Հունիսի 5-ին Հայաստանի ամենամեծ երիտասարդական կազմակերպություն Երիտասարդական ակումբների դաշնությունը (FYCA) Հայաստանում հյուրընկալեց կարճաժամկետ EVS-ի (Եվրոպական կամավորական ծրագիր) մասնակցող 7 ֆրանսիացի կամավորների: Ծրագիրն իրականացվում է Երիտասարդական ակումբների դաշնության, Roman International կազմակերպության նախաձեռնությամբ և ԵՄ-ի աջակցությամբ: Երկու շաբաթ տևողությամբ EVS-ի հիմնական նպատակն է ծանոթացնել ֆրանսիացի կամավորներին հայկական մշակույթին և ստեղծել հայ-ֆրանսիական մշակութային երկխոսության հարթակ:

Ծրագրի շրջանակներում կամավորները այցել են Երևանի Դանիել Վարուժանի անվան թիվ 89 դպրոց, որտեղ վարել են այստեղ անցկացվող ամառային ճամբարի գործունեությունը` երեխաների հետ անցկացնելով ուրախ և հետաքրքիր խաղեր: