«Մարդը մարդու համար» նախաձեռնությունը կյանքի կոչվեց
- Dec 5, 2017
- 1 min read
Երիտասարդական ակումբների դաշնության (FYCA) Լոռու մարզային մասնաճյուղի նախաձեռնությամբ Վանաձորի տասից ավելի տնակներում ապրող, սոցիալապես անապահով ընտանիքների տրամադրվեց տաք հագուստ, ծածկոցներ, կիսապատրաստի պահածոներ: Նախաձեռնության համակարգող Սոխակ Մելքոնյանի հավաստմամբ, «Մարդը մարդու համար» նախաձեռնությունը հնարավորություն տվեց, որ մենք հասկանաք, թե ինչքան կարևոր է կամավոր ներդումը համայնքի զարգացման գործում: Կամավորության օրվա հետ կապված Վանաձորում կազմակերպվեց հանդիպում- քննարկում, որտեղ Երիտասարդական ակումբների դաշնության քարտուղարության անդամ Սեդա Մկրտչյանը ներկայացրեց կազմակերպության առաքելությունն ու իրականացված ծրագրերը, ինչպես նաև հեռանկարային համագործակցության սկզբունքները: Երիտասարդական ակումբների դաշնության նախագահ Ատոմ Մխիթարյանն էլ Լոռու երիտասարդության հետ հանդիպման ժամանակ կարևորեց երիտասարդների ներգրավածությունն ու հոգատարությունը շրջապատի նկատմամբ, ինչպես նաև մարզերում երիտասարդական նախաձեռնությունների խթանումը: «Մարդը մարդու համար» նախաձեռնության կամավորներին և Լոռու մարզպետ Արթուր Նալբանդյանին Երիտասարդական ակումբների դաշնության կողմից հանձնվեցին շնորհակալագրեր՝ նախաձեռնությանն աջակցելու և կամավոր ներդրում ունենալու համար:
Comments