• Black Facebook Icon
  • Black YouTube Icon
  • Black RSS Icon

© Federation of Youth Clubs of Armenia - 2016

Designed & Made by Armenian PR Association
www.ArmPR.org

 FEDERATION OF YOUTH CLUBS OF ARMENIA 

Search

ԵԱԴ մարզային այցելությունների հերթական կանգառը Վանաձորն էր



ԵԱԴ մարզային այցելությունների հաջորդ կանգառը Վանաձորն էր։ Դեկտեմբերի 2-ին տեղի ակտիվ երիտասարդության հետ հանդիպումը մեկնարկեց ԵԱԴ նախագահ Ատոմ Մխիթարյանի ողջույնի խոսքով: Նա ևս մեկ անգամ կարևորեց երիտասարդական աշխատանքի դերը պետության սոցիալ-տնտեսական, քաղաքական և մշակութային գործընթացներում:

Հանդիպման մասնակիցներին ներկայացվեցին կազմակերպության պատմությունն ու գործունեության ուղղությունները, երիտասարդներին կազմակերպության կողմից ընձեռվող հնարավորությունները, ինչպես նաև կամավորական աշխատանքի կարևորությունը անհատի ինքնազարգացման և ինքնակրթման գործընթացներում:

Շնորհակալագրեր տրվեցին բոլոր այն մասնակիցներին, որոնք իրենց ներդրումն են ունեցել ԵԱԴ Լոռու մարզի երիտասարդների կողմից կազմակերպված «Մարդ մարդու համար» սոցիալական նախաձեռնության կյանքի կոչման գործում:


Հանդիպման ավարտից հետո ԵԱԴ ներկայացուցիչները և Վանաձորի երիտասարդներն այցելեցին Apricot ձեռագործ հուշանվերների արտադրամաս, որտեղ պատրաստում են ամանորյա զարդարանքներ, թեմատիկ պատկերներով մագնիսներ և արծաթյա զարդեր ֆիզիկական և մտավոր խնդիրներ ունեցող անձանց կողմից: