• Black Facebook Icon
  • Black YouTube Icon
  • Black RSS Icon

© Federation of Youth Clubs of Armenia - 2016

Designed & Made by Armenian PR Association
www.ArmPR.org

 FEDERATION OF YOUTH CLUBS OF ARMENIA 

Search

Ծիծեռնակաբերդի հուշահամալիրի ծաղիկները՝ նոր կյանքի խորհրդանիշ



Ապրիլի 27-ին Ծիծեռնակաբերդի հուշահամալիրում տեղի ունեցավ «Ծաղկահավաք» ամենամյա նախաձեռնությունը: «Ծաղկահավաք» միջացառումն իրականացվում է 2010թ-ից՝ «Վայրի բնության և մշակութային արժեքների պահպանման հիմնադրամ»-ի նախաձեռնությամբ։ Նախաձեռնության նպատակն է Ապրիլի 24-ից հետո հավաքել Ծիծեռնակաբերդի հուշահամալիրում կուտակված ծաղիկները և դրանք ավելի ռացիոնալ օգտագործել. թոշնած ծաղիկները հավաքվում են, դրանց ցողունն անջատվում է ծաղկաթերթերից, առաջինից պարարտախառնուրդ է ստացվում, իսկ ծաղկաթերթերն օգտագործվում են ձեռակերտ վերամշակված թուղթ պատրաստելու համար: Մեկ կիլոգրամ չորացած ծաղկաթերթերից ստացվում է А3 ձևաչափի 40 թուղթ։




Հատուկ տեխնոլոգիայով պատրաստված ձեռակերտ թուղթը նվիրաբերվում է Ցեղասպանության թանգարանին, որը վերջին տարիներին այն գործածում է հուշագրեր, շնորհակալագրեր, նամակներ պատրաստելիս, իսկ պարարտախառնուրդն օգտագործվում է Հիշողության պուրակում հողի մշակման համար:

«Ծաղկահավաք» նախաձեռնությանը ամեն տարի մասնակցում են նաև Երիտասարդական ակումբների դաշնության կամավորները:


ԵԱԴ կամավոր Նելլի Չիբուխչյանն ասում է, որ կազմակերպությունը ողջունում է նմանատիպ նախաձեռնություններն ու պարտադիր իր մասնակցությունն է ունենում: ԵԱԴ-ի համար շատ կարևոր են վայրի բնության պահպանությունն ու ռեսուրսների ռացիոնալ օգտագործումը: FYCA կամավորներին ծաղկահավաքի և թերթիկների առանձնացման պրոցեսը շատ էր դուր եկել: Նելլին նշում է, որ հասարական աշխատանքներն անչափ հաճելի են, քանի որ զգում ես, որ օգնում ես քո սեփական երկրին և ժողովրդին: